PROZESUA
Sortu zenetik, EUSKALTELek ardatz izateko sena izan du, gizakien kudeaketa-sistemen abangoardian egotea bilatu du: motibazioa eta parte-hartzea sustatu nahi izan ditu. Pertsonekin etengabe hizketan aritu, entzun eta haien beharrizanei arreta emateko grinak bultzatuta, enpresak bere kudeaketa-sistemetan zenbait hobekuntza egin eta bizitza pertsonala, familia eta lana uztartzeko zenbait baldintza ezarriz joan da.
2011ko urtarrilaren 1ean lanaldi trinkoa onetsi zen enpresako langile guztientzako, 07:30etik 15:15era bitartekoa: benetako mugarria izan zen hura, enpresan lan egiten dutenen lanaldia eta familia-bizitza uztartzeko neurriak ezartzeari dagokionez. Ordura arte ere, EUSKALTEL aitzindaria zen Euskal Herrian, kontziliazioaren alorrean. Izan ere, enpresako lan-ordutegia "Europako ordutegiaren" araberakoa zen, 17:15etik aurrera lanetik irtetea ahalbidetzen duena (bazkaltzeko, gutxienez, hogeita hamar minutu gordeta).
Aldaketa hori eta beste neurri batzuk jasota daude enpresaren hitzarmenean. Beste alde batetik, neurriok sexuaren arabera baloratzen dira, eta horien eragina ingurumena, ekonomia eta osasuna aintzat hartuta neurtzen da, gizakiok, oro har, garrantzi handia ematen baitiegu alor horiei.