Bateratu +
Azalpena
Webgune hau, www.euskadi.net/concilia+, Eusko jaurlaritzaren ekimena da, gizarte-eragileak kontzientziatzeko eta kontziliazioarekin denok irabazten dugun ideia sustatzeko.
Halaber, hainbat tresnari esker, elkarri eragitea ahalbidetzen da:
1.- Autodiagnostikorako tresna, enpresa bakoitzean kontziliazioaren egoera eta horren beharra neurtzeko.
2.- Kostu-onuren tresna, kontziliazio neurri bakoitzak eskatzen duen inbertsioa ekar litzakeen onurekin alderatzeko, lege-testuetarako loturekin.
3.- Neurri bakoitzean egin beharreko tramiteei buruzko atala – laguntzak, diru-laguntzak, hobariak, bai enpresentzat bai langile autonomoentzat eta besteren konturako langileentzat – dokumentu ereduetarako eta lege-testuetarako loturekin.
4.- "Nire plana" atala, tresna-gida da enpresetako kontziliazio plana egiteko. Plan honek hainbat mekanismo hartzen ditu hurrengoak ezagutarazteko: dauden neurriak, langileek neurriak erabiltzearen ebaluazio eta jarraipen prozedurak eta lortutako emaitzak.
Webguneak arreta berezia ematen dio ordutegien eta lekuen malgutasunari; izan ere, Eusko Jaurlaritzak azterketa egin zuen ordutegiak arrazionalizatzeari buruz, eta metodologia eta proiektu pilotua egin zuen 3 enpresatan (Euskaltel, Bellota Herramientas eta Vadillo aholkulariak), eta dokumentazio guztia webgunean dago.
Concilia+ webguneak aukera ematen du kontsulta pertsonalizatuak egiteko.